![](https://www.awe24.com/wp-content/uploads/2024/07/38886db6-be29-4017-8bff-0de713a5a5a2-668x334.jpg?v=1720170773)
Diaranson pa 7:50 di anochi central di polis ta wordo notifica di un bringamento cu lo ta bayendo for di man na un cas na Pindastraat.
Central ta despacha diferente unidadnan di polis na e sitio di e susedido. Na yegada di e prome patruya ta bin encontra cu un hende homber cu un herida na cabez y no tabata reacionando. Ta pidi pa ambulance cu maximo urgencia. Na e sitio e personal di ambulance ta trata e victima pero lamentablemente no por a haci nada p’e victima.
E victima un hende homber Esdras Daniel Tejada naci dia
07-01-1989 (35 aña) na Republica Dominicana.
A haci dos detencion na e sitio. E prome detencion ta relaciona cu e caso y e di dos detencion ta pa stroba trabao di polis.
Na e sitio a presenta departamento di recherche, polis technico como departamento di slachtofferhulp.
Cuerpo Policial ta haci un apelacion na es cu a wak algo of sa algo pa yama e tiplijn di polis cu ta 11141. Bo ta keda anonimo.
Cuerpo Policial y awe24.com ta manda palabra di condolencia na famia di e fayecido.