![](https://www.awe24.com/wp-content/uploads/2024/07/WhatsApp-Image-2024-07-04-at-10.19.02-AM-5-668x334.jpeg?v=1720103516)
Diahuebs mainta a drenta informe di un accidente cu hende herida na e crusada di Weststraat y Professor Lorentzstraat. Mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu un Ford Edge biniendo Noord den Weststraat no a para pa duna preferencia na un MG cu tabata biniendo for di pabou ela dal e y e dama chauffeur di e MG a resulta herida. Na yegada di ambulans a atende cu e dama aki pa dun’e auxilio y tambe pa controla di salud.