Diamars atardi a drenta informe di cu un cacho a morde e man di un hoben severamente na Maracastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un caso unda un cacho lo a ataca un hoben y a morde su man severamente. Na yegada di e ambulans nan a atende e victima y a transporte pa hospital. Ta bon conosi cu den tempo di hopi calor cachonan ta bira hopi agresivo, asina ta tene cuidao ora ta cu e animalnan aki.