Dialuna atardi a drenta informe di un accidente cu hende herida na Hooiberg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di un pick-up biniendo di pariba a bay bira na man robes sin duna preferencia na e Nissan March cu tabata bini di pabao. E impacto tabata fuerte y e 2 damanan den e March a resulta herida. Na yegada di e ambulans nan a atende e victimanan.