Dialuna madruga a drenta informe di cu tin un mucha di 5 aña riba caminda den e biradanan di e camindanan di Rooi Koochi y cu un truck di Serlimar a hera pasa riba dje. Danki na e reaccion y atencion rapido di e chauffeur di e truck a logra scapa e mucha aki. Mesora e chauffeur di e truck a avisa polis como cu no a mira ningun adulto den cercania y no por a bay molestia lanta e bisiñanan den e oranan sagrado ey. Mientras nan tabata warda a aparece un homber kende ta bisa cu e ta omo di e mucha y e chauffeur di e truck a pas’e e mucha (pero inteligentemente ela saca un foto di e mucha cu e omo como prueba y a duna polis esaki). Polis a bay rondia y pita na e adres indica pero ningun hende a sali pa papia cu polis.