![](https://www.awe24.com/wp-content/uploads/2024/07/20240630_231147-668x334.jpg?v=1719902300)
Diadomingo anochi bisiñanan a scucha un homber ta grita pa auxilio na Wolffstraat, mesora a dirigi un patruya na e sitio. Na yegada di e patruya a bin compronde cu aki ta trata di un homber cu a bay sinta riba un bari y a cay y keda pega. Polis a yuda e homber pa lant’e y sak’e for di e posicion cu e tabata. Un rato despues a bolbe drenta un otro informe na e mesun adres pero e biaha aki e informe tabata bisa cu su man a kibra. Pero ora polis a control’e ta dolor so e tabata tin na su man.