Oranjestad – Den un mundo cu tur dia ta mas consiente ariba nos Medio Ambiente y cu costo di combustible ta sigi aumenta autonan electrico ta mustra manera e transicion mas natural.

 

For di den un camber chikito e idea a nace pa yuda amigo y conocirnan pa yega na nan auto electrico, no solamente pa aporta na un miho medio ambiente pero tambe pa mantene gasto di combustible abou. For di comienso humilde aki Green Wheels Aruba a crece y awe nos ta sinta den un Showroom unico den su categoria.

 

Awe ta marca un ‘milestone’ pa Green Wheels Aruba, sigur paso desde dia cu a muda pa e localidad nobo aki ta grandi so Green Wheels Aruba a keda bira. Di un lokaal, pa 3 (tres) lokaal. Di solamente 1 showroom, a agrega un ‘parts Department y un Garage ful ekipa. Mester bisa cu te ainda Green Wheels Aruba ta e unico compania na Aruba di vehiculonan Electrico cu ta haci software y hardware updates, nos tin un relacion extenso cu ingenerionan di VW pa haci e tur trabou di mantencion necesario, nos tin tur piesa den stock sigurando asina’ki bo inversion.

 

Pakico escoge pa ‘Go Green’?  

Na momento cu bo dicidi pa bay ‘Green’, no solamente bo lo ta bahando bo ‘carbon foot print’, pero tambe lo bo spaar hopi placa na fuel (gasoline, diesel) 75% menos pa bo plachi di number, 50% menos gasto di mantencion (cambio di azeta, spakplugs), bo por charge na comfortabilidad di bo cas. E beneficionan ta enorme.

 

‘Lucky #7 Campaign’

Pa e occasion special aki nos tin un tremendo campaña cu lo hiba e nomber di:

‘Lucky #7 Campaign’. Esaki ta encera cu durante henter luna di Juli lo bo ricibi 7.77% di descuento (!) cu compra di un auto electrico na Green Wheels Aruba. Aunke cu e campaña aki ta solamente pa e modelonan nobo cu ta wordo introduci lo extende tambe pa e otro modelonan den Showroom.

 

Nos invitacion ta na tur hende pa bishita nos Showroom, escohe e auto di bo soño y probecha di e oportunidad unico aki pa ta doño di bo Vehiculo Electrico y join e movecion Green!