Diasabra madruga a drenta informe di un accidente na Hato. Mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu e chauffeur di un Hyundai Accent shinishi lo a perde control, dal un palo di luz y cay den greppel. Afortunadamente e chauffeur no a resulta herida. Polis nota cu e chauffeur lo ta bao influencia y a test e chauffeur cu e alco-test. Polis a detene e chauffeur pa a core bao influencia y ocasiona un accidente.