Diahuebs atardi a drenta informe di un accidente cu hende herida banda di Pacifico Paradera, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente pa falta di preferencia unda e chauffeur di e hatchback no a duna preferencia na e pickup biniendo di pariba y a dal den dje. Debi na e impacto e dama na stuur di e auto a resulta herida y e mucha pasahero den e pickup. Na yegada di e ambulans nan a atende nan na e sitio mes.