Diamars atardi a drenta informe di un accidente cu hende herida na Rooi Afor, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Ford Figo saliendo for di un caminda di tera no a duna e chauffeur di un Mitsubishi Sportero L200 biniendo for di pariba. Den e Ford Figo tabata tin un dama di edad cu ta sufri di curason y tabata na banda como pasahero y tabata keha di dolor. Mientras den e Mitsubishi Sportero L200 tabata tin un dama na estado di 7 luna y pa tur segurida a pidi un ambulans extra pa bay hibe e dama pa un control medico ya cu e tabata keha di dolor.