Diamars mainta a drenta informe di un accidente cu hende herida na e rotonde banda di Superfood, mesora a dirigi tanto polis como ambulans na e sitio. Na yegada di e patruya a bin compronde cu e accidente aki a sosode poco mas panort di e rotonde. Eynan e chauffeur di un Lexus coriendo cu velocidad halto a perde control bay di atras ranca un palo di lus completo y sigi bay nort di atras dal tras di un Toyota Yaris coriendo. Debi na e fuerte imppacto e chauffeur a resulta herida. Na yegada di e ambulans nan a atende e chauffeur di e Lexus y tambe e 2 personanan den e Yaris pero nan no a resulta herida. E chauffeur di e Lexus a ser hiba hospital pa un control mas avansa.