![](https://www.awe24.com/wp-content/uploads/2024/06/d9de8921-e955-4aad-bcbc-44f135b795ca-668x334.jpeg?v=1719261135)
Dialuna mainta a drenta informe di un accidente cu hende herida na Paraguana, mesora a dirigi tanto polis como ambulans na e sitio. Na yegada di e patruya a bin compronde cu e chauffeur di e Suzuki Baleno a bay na banda robes di e caminda na un birada na man drechi y a bay dal frontal riba un Toyota di direccion contrario den cual tabata tin un mucha chikito y su mama cu a resulta herida. E chauffeur cu a causa e accidente mes a cana bay pero despues di basta rato a bolbe y polis a detene. Na yegada di e ambulans nan a atende e mama cu tabata keha di dolor na pecho y e mucha dolor na su pia y a transporta ambos pa hospital.