Diabierna anchi a drenta informe di cu tin un yiu a yega cas cu un herida di hinka na un cas na Nijhoffstraat, mesora a dirigi tanto polis como ambulans na e sitio. Na yegada di e patruya a a bin compronde cu meintras tabata tin un pelea andando un persona a ser hinca na 3 biaha y esaki a sosode banda di e basketballveld den Nijhoffstraat. E victima ta un persona di 33 aña cual a ser hinka 2 biaha na su abdomen y un biaha na su pecho. Polis a pone un paña pa wanta e sangramento y a nota cu e condicio di e victima ta empeorando y a pidi e ambulans cu mas urgencia pero e trafico tabata druk. Na yegada di e ambulans nan a atende rapidamente y cu urgencia acompaña pa polis a escolta e ambulans pa hospital. Na e sitio di e susedido polis a papia cu 3 testigo y polis a logra captura e prome sospechoso y a hiba esaki cu urgencia na warda di polis pa asina saca afor kiko ta e problema.