Diabierna madruga a drenta informe di un situacion cu a surgi entre Divi y Casa del Mar, mesora a dirigi patruyanan pa bay na e sitio. E prome informacion ta cu nan ta agrediendo un hoben ferosmente. E securitynan di e hotelnan a avisa polis cu e hobennan a split mientras un di nan ta canando mal bati banda di beach. Polis a purba papia cun’e pero e no kier bisa nada, ni kier atencion medico ni kier entrega keho. Locual cu polis por a compronde cu nan tabata por lo menos 5 hende cu tabata cu 2 mucha muhe y nan lo a bay pasa un aventura. Polis a desea e hoben bon ora di caminda y cu Dios compaña e pa e yega sano y salvo su cas.