![](https://www.awe24.com/wp-content/uploads/2024/06/IMG_20240621_024110-668x334.jpg?v=1719006702)
Diabierna madruga a drenta informe di un accidente na Paradera, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda cu un dama chauffeur coriendo un auto bao influencia a bay banda robes di caminda cu su Nissan Note y a bay dal frontal riba un Hyundai Accent. Afortunadamente ningun hende a resulta herida. Polis a detene e dama chauffeur ya cu e tabata core auto bao influencia di alcohol y a ocasiona un accidente.