![](https://www.awe24.com/wp-content/uploads/2024/06/efcb9f6c-109d-4e9c-b9c5-51b3f5829e5e-668x334.jpeg?v=1718997358)
Diahuebs atardi a drenta informe di un accidente cu hende herida na e crusada Caya Punta Brabo cu Dr. Horacio Oduber Blvd., mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur di un Kia Sportage a bay bira na su man drechi pero no a mira e ciclista riba un bais electrico na banda drechi di dje y a dal e bente abao. Aparentemente e ciclista lo a fractura su pia y tabata keha di hopi dolor. Na yegada di e ambulans nan a atende y a transporte pa hospital.