Diahuebs mainta a drenta informe di un caso di problema di pareha cu lo a bay for di man na Diamantbergweg na Sanicolas, mesora a dirigi un patruya na e sitio. Na yegada di e patruya a bin compronde cu aki ta trata di un caso unda e homber a maltrata e muhe. Polis a detene e homber y a pidi e vehiculo di transporte pa hib’e deteni pa warda di polis. E patruya mes a hiba e dama na Centro Medico pa haya atencion y haya un raport di e maltrato pa asina e dama hiba esaki na recherche.