![](https://www.awe24.com/wp-content/uploads/2024/06/HF2024-1-668x334.jpg?v=1718299743)
Un biaha mas Aruba Lions Club cu un bunita actividad den comunidad caminda a concentra riba
e tereno di salud y cu a kibra nan propio record cu e total di participante.
Diasabra ultimo e miembronan di Aruba Lions Club a sali un biaha mas den comunidad cu un
projecto caminda a organisa un dia cu pueblo en general por a pasa controla sanger pa e parti
di diabetes y cholesterol, por a check peso, haltura y precion pa despues ricibi tambe un
conseho medico, control di wowo y oido, tambe por a hasi control y haya informacion di cancer
di pecho, y sigur e projecto di smile mobile di Aruba Lions Club cu tawata tey pa hasi limpieza y
reparacion di dentadura di esnan den nececidad pa esaki.
For di 9or di mainta e actividad a habri su porta na Xavier University cu e miembronan di Aruba
Lions Club, cu e ayudo di e studiantenan y dokternan di Xavier University, Mary-Joan
Foundation, Aruba Vision Center, The Specialist, FEPOH y Quota Club, caminda a ricibi un gran
cantidad di ciudadanonan cu a kibra e record di participacion di aña pasa.
E actividad tawata tin un duracion di 5 ora cu por lo menos 70 voluntario, cu a logra mas di 360
controlnan medico.
Bunita comentario di e bishitantenan cu a keda agradeci cu e oportunidad y tambe unda a
constata algun casonan di gravedad cu patientnan a wordo referi urgente pa controlnan
avansa, cu a mustra e importancia y balor di e rojecto aki.
Aruba Lions Club ta keda masha agradeci cu e apoyo cu nan a haya di tur instancia,
organisacionnan y voluntarionan cu a hasi esaki posibel y sigur Xavier University pa su personal
y disponibilidad di e localidad.
Na final di e actividad ainda Aruba Lions Club a hasi un bunita gesto cu un donacion efectivo pa
e organisacion di Mary-Joan Foundation y tambe FEPOH cu ambos a aprecia.
Aruba Lions Club ta e prome Club di Lions na Aruba sirbiendo pa mas cu 75 aña y ta spera cu
nos por sigui sirbi comunidad pa hopi aña mas.