Diaranson anochi a drenta informe di cu un palo di lus a cay riba caminda na Picaron, mesora a dirigi un patruya na e sitio. Na yegada di e patruya a bin compronde cu e palo di lus a kibra den 2 y e parti di ariba a cay riba e caminda. Polis a avisa NVELMAR ademas a sera e caminda pa desvia trafico. Un habitante den cercania ta un trahador di NVELMAR y a yama e hefe na warda pidiendo permiso pa corta e waya pa desconecta e peliger di coriente causa un “short” evitando mas daño. Ela haci esaki mientras trucknan a bini pa reparacion. Despues di un rato a resolve e problema y a debolbe e suministro.