Diasabra atardi a drenta informe di un pelea cu arma entre 2 persona na Lago Heights Food Center, mesora a dirigi un patruya na e sitio. Na yegada di e patruya no a encontra cu esnan envolvi ya cu un cu tabata herida a yega na warda di polis Sanicolas. Eynan mes a pidi ambulans cu urgencia. Na yegada di e ambulans nan a atende e persona y a transporte pa Centro Medico. Mientras polis a sera e area unda e pelea a tuma lugar pa inicia cu e investigacion.