![](https://www.awe24.com/wp-content/uploads/2024/06/IMG_20240608_061110-668x334.jpg?v=1717945360)
Diasabra madruga guardacosta tabata vigila un boto cu ilegalnan cu a drenta na e rampa na Eagle Beach y a pidi yudansa di cuerpo policial. Cu cooperacion di polis a logra captura 2 ilegal y a mira un otro sospechoso mas, un hoben cu tabata full na preto pero a perde for di bista. No ta conosi cuanto hende a drenta pero a confisca un Mitsubishi Montero y un boto riba trailer. Den e boto a haya tambe bultonan di aparentemente droga. Tur esakinan a ser confisca y awor lo mester bay investiga di ken e auto ta y di ken e boto ta y pa ken e droga ta destina.