![](https://www.awe24.com/wp-content/uploads/2024/06/IMG_20240608_013743-668x334.jpg?v=1717930560)
Diasabra madruga un dama a yama polis pasobra nan a caba di horta e auto di su tanta for di Madiki Kavel y e ta coriendo nan tras den Madiki, e patruya mas cerca a bay den e direccion ey y a purba par’e na e rotonde Santa Helenastraat pero e ladronnan no a para y a sigui purba huy for di polis, e persecucion a sigui riba E.J. “Watty” Vos blvd. te na rotonde airport y a subi e “Green Corridor” bay pariba y eynan nan a bay core den e banda contrario. Ta te na rotonde banda di Balashi cual nan no tabata sa cu tin un accidente riba e brug nan a dal un bira y a core baha bay na pia den 3 diferente direccion unda a logra captura 2 di e 3nan e 2 nan a ser deteni y hiba warda. Mientras esun di 3er muy pronto lo ser deteni.