![](https://www.awe24.com/wp-content/uploads/2024/06/IMG_20240606_144403-1-668x334.jpg?v=1717788413)
Diahuebs atardi a drenta informe di un accidente cu hende herida dilanti 88 Foodmart na Macuarima, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Suzuki blanco biniendo di zuid a bay bira na man robes pero no a duna preferencia na e trafico contrario y nan a dal basta duro contra otro. Debi na e fuerte impacto ambos chauffeur a resulta herida y tambe un mucha sinta patras den e auto contrario. Na yegada di e ambulans nan a atende e victimanan y a transporta nan pa hospital.