Diaranson mainta a drenta informe di un accidente cu hende herida na Blumond, mesora a dirigi tanto polis como tambe e rapid responder di ambulans na e sitio. Na yegada di e patruya a bin compronde cu un mucha di apenas 10 aña lo tabata tras di stuur y a perde control baha caminda, drenta mondi y bay dal un tubo cu ta hiba e coriente for di e palo di lus pa e cas. Na yegada di e rapid responder a atende e mucha cu milagrosamente a scapa y a sali cu unicamente algun golpi y rasca menor. Testigonan a bisa cu e mucha lo tabata tras di stuur pero esey no ta berdad e mucha a sali for di e banda robes pero e stuur mes ta na e banda drechi y for di eynan e adulto a sali. E rapid responder a atende e mucha na e sitio mes y a control’e. Nos prome informe a informa cu ta e mucha tabata na stuur pero esey no tabata e caso. Nos di awe24.com ta pidi disculpa pa e informacion eroneo suministra. Nos ta pidi hopi disculpa pa e eror cometi!