Diamars durante dia, comunidad local a keda conmociona pa e doorzoekingnan relaciona cu e caso cu a bira conoci como Caso Portulaca. Den e caso aki, OM a informa cu a detene tres persona. Den anochi, un di e sospechosonan aki a bira malo na Landsrecherche, y tabatin mester di atencion di ambulance.

CEA a compaña e detenido, un señora cu a sali cu cara tapa pa protege su identidad, kende a keda transporta pa hospital, segun informacion na e sitio.

Maske Ministerio Publico a confirma e doorzoekingnan den Caso Portulaca, y tambe a confirma e tres detencion, no a revela identidad di e sospechosonan. Tampoco a informa na cual di e seis sitio unda a tene accion a detene e personanan.

E investigacion ta andando, y comunidad ta keda pendiente di Ministerio Publico pa mas informacion.”