Diamars mainta a drenta informe di un accidente cu hende herida na Weg Fontein, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente semi frontal unda un di e autonan a bay demasiado na su man robes y a bay dal den otro. Como e declaracion tabata contradictorio a pidi pa polis di trafico bini na e sitio y resolve e contradiccion aki. Na yegada di e ambulans nan a atende e victimanan na e sitio mes.