Diasabra madruga un oficial di e brigada motorisa pasando banda di e desviacionnan riba Sasakiweg a nota cu un auto lo a caba di dal na e baricadanan di plastic y a para na banda. Ora polis a bay wak e chauffeur no tabata tey mas y e auto su hood tabata cayente indicando cu e chauffeur lo ta serca bayendo un poco mas dilanti a haya e chauffeur ta cana bay y a par’e. E oficial a pidi pa un vehiculo bini pa hobe bek na e sitio di accidente. Eynan a test e chauffeur unda ela surpasa e limite permiti y nan a detene. Na e mesun sitio aki un pickup blauw tambe a accidenta eynan debi cu e baricada di plastic a keda hala ora e prome auto a dal riba dje y tabata stroba. E pickup a dal fuertemente contra esaki perde control dal algun otro baricada y a sigi core pero su plachi number a keda atras. E chauffeur di e pickup por claim su daño na e seguro di e prome auto cu a dal na e baricada.