Aruba One Happy Island Lions Club ta invita henter comunidad, un y tur, grandi, hoben y nos muchanan, como tambe nos deportistanan y esnan cu tin caminata y coremento como hobby pa cuminsa registra pa participa dia 15 di juni 2024 pa e prome LIONS 5K FUN RUN WALK. Esaki ta un evento di Distrito 35N, cual ta consisti di clubnan di Lions di Florida, Bahamas, Aruba, Bonaire y Curaçao.
E evento aki lo ta un dia di recreacion, fitness, conscientisacion, diberticion, union y amistad pa un y tur, famia, colega, deportistanan y tur esnan cu ta desea di pasa un rato agradabel y cana of core e 5 kilometer. Por participa individual of como grupo di maximo 10 persona. Un invitacion tambe ta bay pa nos muchanan di scol, nos hobennan, persona cu limitacion pa participa den un evento sano, dibertido y deportivo. E evento aki ta priminti di lo no exigi ningun extra energia y extra preparacion pa participa, kiermen no tin mester tin un nivel di experencia den coremento of caminata. Regsitra y marke den boso calendario/agenda y no perde e oportunidad di participa den e fascinante evento aki. Por registra via e app, door di scan e Qr-Code of bishita e link https://5k.pro.aw/ y por haci pago on-line na Aruba Bank, Fundacion Aruba One Happy Island Lions Club 6005880190, Specificacion “FRW2024 y nomber”.
Lo tin premio pa individual y grupo. Cu bo participacion bo lo contribui pa e prome “Lions 5 K Fun Run Walk” resulta den un gran exito. E evento aki lo ta uno pa promove movecion sano y pa conscientisa nos comunidad riba e areanan global di Lions Club Internacional ta enfoca y tambe recauda fondo pa por sigui sirbi comunidad atrabes di proyectonan di servicio. Si bo ta desea di coopera como boluntario of mester di mas informacion por tuma contacto cu lions5kfunrunwalk@gmail.com of whatsapp 562-9129. Tambe por tuma contact cu miembronan di Aruba One Happy Island Lions Club of bishita nos Facebookpage.
31052024