Diabierna madruga a drenta informe di un caso serio di menasa cu arma di candela na King Plaza Mall, mesora a dirigi patruya na e sitio. Na yegada di e patruyanan e security a bin bisa polis cu un rato prome 3 vehiculo a presenta y 2 hende cu arma di candela a baha bin cerca dje y a menase un tabata tin un revolver y e otro un Glock. Nan a bis’e cu nan ta bay bolbe p’e. E security a bisa cu un di e autonan ta un pick-up shinishi y su respectivo number. Un rato despues un oficial ta nota e pick-up subiendo Sasakiweg y a bati alarma. Varios patruya a yega y para e pick-up net na e rotonde Sasaki. Eynan a rista den e pickup pero no a haya nada. Como cu e chauffeur tabata burachi polis a dune un prohibicion pa stuur y a para e pickup un banda.