Diahuebs anochi a drenta informe di cu tin 3 motociclista riba scrambler lo ta haciendo maniobranan peligroso bayendo pabao riba e “green corridor” mesora e unidadnan di e brigada motorisa a ser informa y a sali bay pa nan. Na L.G. Smith blvd banda di ex-D.O.W. e prome motociclista a para pero e otronan a sigi bay pabao. Na rotonde Sasaki un a bay direccion di Tanki Flip mientras e otro a sigi bay nort. Esun cu a sigi bay nort a haci un mal maniobra y a dal abao na e rotonde banda di Superfood. Esun cu a bay Tanki Flip a tuma direccion pa Ponton y como cu e no kier para y pa evita esaki caba den un desgracia polis a stop cu e persecucion. E 2 motociclistanan a ser deteni y nan scramblernan confisca.