![](https://www.awe24.com/wp-content/uploads/2024/05/PHOTO-2024-05-17-23-08-251-668x334.jpg?v=1716969849)
ORANJESTAD: Recientemente, den un esfera festivo Ricardo’s Restaurant & Bar Aruba a celebra nan dies (10) aniversario cu apertura di nan localidad nobo situa den Orange Plaza Mall. E celebracion a conta cu presencia di Minister Endy Croes acompaña pa su kerida esposa Dilailah Croes – Odor, Prome Minister di Aruba Evelyn Wever – Croes y Minister Xiomara Maduro. Memey di famia, amistad y demas invitadonan special, propietarionan Sra. Anky y Sr. Harold Chirino a haci e gran apertura, unda cu Sra. Anky a corta e cinta y asina e restaurant a keda oficialmente habri. Ricardo’s Restaurant ta ofrece nos local- y turistanan platonan delicioso y ta habri pa desayuno, almuerso y cena. Pa conclui, Minister Endy Croes ta felicita e propietario di Ricardo’s Restaurant pa kere y inverti den economia di nos pais. Alabes ta felicita staf y personal cu apertura di dos restaurant y ta desea nan hopi exito. Pabien!