Dialuna mainta a drenta informe di un accidente riba caminda di Barcadera, mesora a dirigi un patruya na e sitio. Na yegada di e patruya a bin compronde cu ki ta trata di un accidente unda cu un pick-up a bay dal riba e tanki combustibel di un truck. Despues di e impacto aki e tanki combustibel cual tabata yen a cuminsa basha y polis a pidi pa bomberonan bini pa stand-by y evita peliger. Afortunadamente ningun hende a resulta herida.
