Diasabra atardi a drenta informe di cu tin un dama ta den plas di awa di rooi ta fresca su mes cu e awa para ey, mesora a dirigi un patruya na e sitio. Na yegada di e patruya nan a nota cu aki ta trata di un persona conosi cu ta sufri di problema di salud mental y a hay’e sinta den e awa para eynan y tabata fresca su mes. Polis mesora a pidi pa e vehiculo di transporte pa asina hib’e Respaldo. Na yegada di e vehiculo e dama mes a lanta y a cana bay den e vehiculo di transporte y nan a hib’e.