![](https://www.awe24.com/wp-content/uploads/2024/05/b87e4389-2650-41fc-ad25-2facd606784c-668x334.jpeg?v=1716651679)
Diabierna atardi a drenta informe di un accidente cu hende herida na e crusada Mandolinstraat/Pindastraat, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente entre un box truck y un motociclista unda cu e chauffeur di e truck biniendo di zuid den Mandolinstraat mester a hala memey caminda pa un auto cu tabata para un tiki riba acera y e motociclista biniendo for di pabao drn Pindastraat a bay bira bay zuid pa drenta den Mandolinstraat y a bay dal riba e skina di e box di e truck y a dal abao. E motorcycle a keda destrui y e motociclista herida. Na yegada di e ambulans nan a atende e victima y a transporte pa hospital.