Chauffeur a bira pa drenta Parke Curason jaburibari sin duna trafico su tras preferencia y a dal un polis di e brigada motorisa.

Diabierna atardi a drenta informe di un accidente na e entrada di Parke Curason Jaburibari, mesora a dirigi un patruya na e sitio. Na yegada di e patruya a bin compronde cu aki ta trata di un accidente unda un chauffeur a bay bira pa drenta e parke pero no a duna e trafico su tras preferencia cual den e caso aki ta trata di un oficial di e brigada motorisa cu tabata riba e brommer di cuerpo policial. E polis a purba kita pero toch e auto a raspa riba dje. Afortunadamente e no a resulta herida.