![](https://www.awe24.com/wp-content/uploads/2024/05/383bf26c-45ce-46a8-882e-5fca3b54336f-668x334.jpeg?v=1716648883)
-Cuerpo Policial Aruba Ta Informa-
DI 6 MORTO DEN TRAFICO
Diabierna merdia pa 1:30 central di polis ta wordo notifica di un accidente entre un auto y un brommer riba e caminda di Calabas.
Central a despacha patruya na e sitio di e sucedido. Na yegado di patruya ta bin topa cu e chauffeur di e brommer MFA- 2491 ariba caminda gravemente herida. Ta pidi ambulance na e sitio cu urgencia.
Na yegada di ambulance e personal a haci nan maximo esfeurso pa yuda e victima.
Lamentablemente no por a haci nada mas pa e victima.
Pa 2:10 dr.Texier ta constata morto di Jefferson Manuel R. Lopes naci 05-11-1995 na Aruba.
E chauffeur di BYD F0 color blanco numera A-59462 a wordo transporta pa hospital pa haya asistencia medico y a keda deteni pa maneha bao di influencia.
Specialista di trafico a presenta na e sitio como tambe polis technico pa haci nan investigacion.
Departamento di slachtofferhulp a presenta pa sostene e famia den e momento dificil aki.
Cuerpo Policial ta manda palabra di condolencia pa famia di e fayecido.