![](https://www.awe24.com/wp-content/uploads/2024/05/IMG_7735-668x334.jpeg?v=1716367332)
Diamars mainta a drenta informe di un accidente na e crusada Rumbastraat/ Stadionweg, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda un dama chauffeur di un Honda Fit biniendo for di Rumbastraat no a duna preferencia na e Hyundai Elantra cu tabata bini di zuid den Stadionweg. E impacto tabata fuerte te cu e Fit a manda e Elantra bay dal e borchi di e consultorio y e Dermatologo kibra y 2 palmita. Door di e fuerte impacto e dama chauffeur di e Fit a resulta herida. Na yegada di e ambulans nan a atende e chauffeur y a transporte pa hospital.