Diadomingo madruga a drenta informe di cu tin un turista cu ta halando rosea pero no ta reacciona, mesora a dirigi tanto polis como ambulans na e sitio. Na yegada di e prome ambulans nan a cuminsa cu CPR y a pidi pa un otro ambulans bin yuda ya cu e no ta halando rosea mas. Despues di tur intentonan sin logra, a solicita un dokter na e sitio ya cu no por a logra trese e homber bek na bida. Polis a presenta y a pidi pa slachtofferhulp yuda e famia den e momentonan mas dificila aki. Na famia di e fayecido ta bay nos mas sincero palabranan di condolencia.