Diasabra anochi a drenta informe di un accidente cu hende herida na Sero Preto Sanicolas, mesora a dirigi tanto polis como ambulans na e sitio. Na yegada di e patruya a bin compronde cu e dama chauffeur pa un motibo of otro a perde control baha caminda na man robes y a bay dal riba un palo di lus. Hunto cu e dama tabata tin 2 mucha cual un di nan no tabata tin seatbelts bisti y den e impacto a golpia su curpa y tabata keha di dolor. Na yegada di e ambulans nan a atende e mucha y a bay cun’e pa Centro Medico pa un control mas extenso.