Diabierna madruga a drenta informe di un accidente cu hende herida na Franse Pas, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda cu e chauffeur burachi tras di stuur di un pick-up a baha caminda y bay dal un palo di lus grandi y a benta esaki abao riba caminda. Na yegada di e ambulans nan a controla y atende e chauffeur na e sitio mes ya cu e chauffeur no kier a bay cu ambulans. Polis cu a nota cu e chauffeur ta burachi y a bay test e. E chauffeur a surpasa e limite permiti y a ser deteni. ELMARNV tambe a ser avisa y mesora nan a despacha un truck cu un team di techniconan pa re-emplasa e palo di lus kibra pa asina re-establece e suministro di coriente pa e areanan afecta.