Diahuebs mainta tempran a drenta informe di un accidente na Tanki Leender, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda un chauffeur a bay dal un palo di lus kibra esaki y a sigi core bay. ELMARNV a presenta mesora na e sitio y a repara e daño cometi como tambe Setar. Polis di trafico a keda di pasa pa controla e camaranan di seguridad na e sitio.
