Diamars mainta a drenta informe di cu criador di bestia a hiba un cabrito abatoir y a reconose 5 otro cabrito horta di dje, mesora a dirigi un patruya na e sitio. Na yegada di e patruya e criador di bestia a bisa y a mustra polis e potret di 5 cabrito cu tabata di dje y cu a ser horta 3 dia prome. Esun cu a trese e cabritonan tabata eynan tambe y e patruya a yama recherche. Na yegada di recherche a duna ordo pa detene esun cu a trese e cabritonan. Ela bisa di a cumpra e cabritonan pa 500 Florin for di un otro criador. Pero ela bisa un trahado di abatoir cu ela trese e cabritonan como fabor pa un otro criado di bestia. Polis a detene y hib’e warda di polis pa mas investigacion mientras lo percura p hiba e 5 cabritonan for di e cunuco na Vader Piet.