![](https://www.awe24.com/wp-content/uploads/2024/05/IMG_20240513_203355-668x334.jpg?v=1715681555)
Dialuna anochi despues di cu a drenta un tip valioso unda cu a mira nan hiba un Hyundai Atos horta patras di un cas na Mandolinstraat, mesora a alerta varios unidad riba caya pa drenta den accion di mesora y cu tactica pa gara esnan responsabel di esaki y ken sa ki otro mas. Polisnan a rondona e cas di tur banda y a drenta accion. Ta trata aki un accion en conhunto di unidadnan di Oranjestad, Santa Cruz, Noord, Strandpolitie, K9, y e unidadnan motorisa. Ningun hende por a bandona e cas unda bululo y tof di un di e guynan cu boca grandi ta bay halto. Aki ta unda e O.V.D. Oficier Van Dienst (oficial di Oranjestad na warda) cu tambe ta di Dakota, a yega y pone tur na waterpas. Pasobra si abo ta doño di cas ki mishi bo laga cosnan ilegal drenta bo cas? Esaki ta muestra cu nan tambe por ta forma parti di un organisacion lagando cos ilegal drenta bo cura. E tono so di e oficial a pone nan keda keto. Polis a confisca pochinan di mata di marihuana, number plaat di otro hende cu nan a horta su auto, skelet di scooter y tambe e auto procedente di ladronicia. E combinacion aki sigur a pone e polisnan di e brigada motorisa score cu ayudo di polisnan di Oranjestad, Santa Cruz, Noord, strandpolitie y K9 unda tur a pone un paro sigur. Awo investigacion lo bay sigi ta ken ta e ladron of ladronnan y complice pa hiba cosnan ilegal na e cas.