Diadomingo anochi a drenta informe di un accidente y tin hende ta agrediendo e chauffeur na Avenida Alo Tromp, mesora a dirigi un patruya na e sitio. Na yegada di e patruya a bin compronde cu e chauffeur di un Hyundai Getz a bini for di pariba den Avenida Alo Tromp y a pasa dal un Suzuki Swift staciona banda di caminda. Esnan cu a ira e accidente mesora a acerca e chauffeur y tabata reclam’e kiko su buracheria a pone ocasiona. Polis mesora a interveni y a detene e chauffeur y a bay warda di polis cun’e.