Diahuebs atardi a drenta informe di un accidente na Caya Musica, mesora a dirigi un patruya na e sitio. Na yegada di e patruya a bin compronde cu aki ta trata di un accidente hit & run unda un chauffeur a perde control y e auto a baha caminda bay dal y kibra e cura di waya. Polis a tuma nota di e accidente aki y lo busca grabacion di camara di segurida den vecindario pa asina logra captura e chauffeur y pone para responsabel.
