Diadomingo mainta tempran a drenta informe di un accidente na Noord banda di  Cafe 080. Mesora a dirigi un patruya na e sitio. Na yegada di e patruya a bin compronde cu aki ta trata di un accidente entre un JAC S2 preto y un Toyota Passo cora unda e JAC lo a bai otro banda di caminda y dal e Toyota den banda. E chauffeur di e Toyota a purba evita e accidente pero no por a baha mas sino e lo a dal riba un palo di lus. Afortunadamente ningun persona a resulta herida. Polis a detene chauffeur di e JAC cu lo tabata bao influencia y a transporte pa Warda di polis. Polis a tuma datos di e accidente aki.