Diabierna mainta a drenta informe di un accidente cu hendenan herida na e crusada na Pos Abao, mesora a dirigi tanto polis como ambulansnan na e sitio. Na yegada di e patruya a bin compronde cu aki ta trata di un accidente unda e dama chauffeur di un Nissan March a sali dilanti sin duna preferencia na un Kia Cerato biniendo for di pabao y nan a dal den otro. Debi na e fuerte impacto ambos chauffeur femenino a resulta herida. Nan yegada di e 2 ambulansnan nan a atende ambos victima y a transporta nan pa hospital.