Diabierna anochi a drenta informe di un accidente cu hende herida na Ser’i Teishi, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Nissan March a desvia pa e miobra di un auto pasando e y a pon’e perde control bolter bay cay otro banda di caminda. Debi na e impacto y boltermento tanto e chauffeur como un mucha ocupante a resulta herida. Na yegada di e ambulans nan a atende e victimanan na e sitio mes.