Diaranson atardi a drenta informe di un accidente cu hende herida na Bubali, mesora a dirigi tanto polis como ambulans na e sitio. Na yegada di e patruya a bin compronde cu aki ta trata di un accidente unda e chauffeur di e Honda Fit biniendo di zuid a subi e crusada sin wak e Toyota Tercel biniendo di pabao y nan a dal den otro. E impacto tabata basta fuerte y e chauffeur di e Tercel a resulta herida. Na yegada di e ambulans nan a atende e chauffeur na e sitio mes.