Diadomingo a drenta informe di un problema cu destruccion na un adres na Tamarijn, mesora a dirigi patruya na e sitio. na yegada di e patruya a bin compronde cu un ex-amigo a presenta na un cas y a causa destruccion y kier a manda e dama cu un piedra. Bisiñanan atento mesora den e oranan sagrado ey a drenta den accion y a evita e homber sigi cu su agresion y destruccion, nan a manda e homber vloer y a want’e abao te ora polis a yega. Na yegada di e patruya mesora a detene e agresor y a pidi e vehiculo di transporte pa bin busk’e y hib’e na warda di polis pa su destruccion. Ela destrui e dama su auto y a ranca e plachinan di number di auto. Awor e mester bay paga pa tur e daño causa.